Viðfangsefni
Orkuþörf og orkunýting í heiminum

Umræðuefni
Hvað er orka? Hvað er orkugjafi?
Ræða um vatnsorku, gufuorku, sólarorku, olíu, gas og kol.
Rætt um kjarnorku.
Hættur sem stafa af kjarnorku og olíumengun.
Er rafmagn nauðsynlegt nútímafólki?
Hverju breytir stíflun vatnsfalls í umhverfinu?

Orðakistill
Virkjun, jarðhiti, stíflugerð, stöðvarhús, háspenna, rafstraumur, rafmagn, spennustöð

Saga landnema á Kisulandi
Einu sinni fór Kislendingur upp á fjall að leita kinda. Hann varð bráðlega svo þyrstur að hann vildi fá sér vatn úr læk. Lagðist hann niður til að drekka en þá var vatnið ekki kalt eins og hann hafði haldið, heldur var það heitt og flýtti hann sér þá niður fjallið til að segja fólkinu frá þessum óvænta fundi. Svona fundu Kislendingar hitann í jörðinni.

Úr ritgerð um rafmagnið
Rafmagn er mjög hættulegt.Ef kæruleysislega er farið með það getur það drepið mann á einni sekúndu. Rafmagn er mjög nauðsynlegt. Án þess gætum við ekki bara stutt á takka og sett alls konar vélar í gang. Rafmagnið fer eftir leiðslum. Víða má sjá staura með snúrum, sem flytja orku í heimahús og fleira. Skógarfoss var fyrstur virkjaður á Nautlandi og kostaði mikið erfiði. Við þurftum að leggja vegi og byggja brýr til að koma efninu í virkjunina upp í fjöllin.

Vinnubók
Teiknað frjálst um virkjun vatnsorku
Sýnishorn