Hlutar bóndans eru: handleggjalaus líkaminn, handleggirnir og sokkur eða vettlingur. Viðmiðunarhæð bóndans er 30 cm.

Renningnum í skrokkinn skiptist í þrjá hluta, haus, maga og fætur.
Skrokkurinn er teiknaður og klipptur út. Klippt er upp að maganum á milli fótanna. Bóndinn er litaður bæði að aftan og framan.

Handleggirnir eru teiknaðir í einu lagi og klipptir út. Ermarnar og vettlingarnir eru litaðir báðum megin. Handleggjalengjan er 25 cm.

Hárið er gert úr garninu og límt efst á ennið á bóndanum. Einnig má setja á hann skegg.

Handleggirnir eru nú límdir aftan á bóndann og brotnir fram.

Totan er klippt af um miðjan leistinn og verður að húfu.

Hællinn er klipptur af.
Nú höfum við efni í vesti á bóndann.

Til þess að fá handvegina er klippt niður að stroffinu til beggja hliða.

Bóndinn er nú klæddur í vestið neðan frá og það heft við hann á báðum öxlum. Húfunni er komið fyrir og hún heft á til að hún tolli.

Liðamót: Handleggirnir eru brotnir fram við axlir, einnig olnbogar og úlnliðir. Rassinn brotinn svo hann geti setið, hnén brotin upp og ökklarnir upp.